Үкіметтің жергілікті жерлерде агрокешендерді дамыту бағдарламасы аясында ашылған бұл кәсіпорында бүгінде 30-ға жуық адам екі қолға бір күрек тапқан. Бүгінгі таңда әр шаруа күн сайын орташа есеппен 500 келі жүгері аршиды. Күнделікті табысы 5-8 мың теңгені құрайды.
Кәсіпорын тың технологиямен жұмыс істейді. Алдымен жүгері дәні собығынан алынып, кептіріледі. Содан кейін қамбаларда сақталады. Кептіретін құрал-жабдықтар Англиядан, сақтау құрылғылары Қытайдан арнайы алдырылған.
Жүгері өңдеу зауыты — Отырар ауданындағы индустриалды аймақта бой көтерген алғашқы кәсіпорын. Таяуда осында жүгері кластерін дамыту аясында дақылды терең өңдейтін қос бірдей өндіріс ошағы ашылмақ. Демек, жүгері шаруашылығымен айналысатын шаруалардың айы оңынан туғалы тұр дейді мамандар.
Айта кетейік, ауданның брендіне айналған дақыл биыл 7 мың гектарға егіліп, әр гектарынан 120 центнерден өнім алыныпты. Отырар өңірі 2020 жылға дейін алқапты 15 мың гектарға жеткізіп, жүгері кластеріне жол ашпақ. Бұл аудандағы индустириалды аймақтан бой көтерген алғашқы кәсіпорын. Таяуда мұнда жүгері кластерін дамыту аясында дақылды терең өңдейтін қос бірдей өндіріс ошағы ашылады. Демек, жүгері шаруашылығымен айналысатын шаруалардың айы оңынан туғалы тұр.
Айта кетейік, ауданның брендіне айналған дақыл биыл 7 мың гектар жерге егіліп, әр гектарынан 120 центнердің өнімі алынған. Отырар өңірі 2020 жылға дейін алқапты 15 мың гектарға жеткізіп, жүгері кластеріне жол ашпақ.
"Алаш айнасы"