Мақпал Қаратай:"Психология саласынан мүлдем кетемін. "

Келесі жылы уәде етілген екі-үш семинарым, бір екі шаруам аяқталғаннан кейін психология саласынан мүлдем кетемін. Арманым шақырып, қоймай жатыр...
.
Мен психология арқылы Өзімді таптым. Өзімді тапқан кезде, психология менікі емес екенін ұқтым. Әрине, аз ғана уақыттың ішінде үлкен аудитория жинай алдым. Қаншама іс атқарылды. Дәл қазір осы ісім маған әжептеуір қаржы әкеліп тұр да. Бірақ осының бәріне қарамастан, бір күнде барлығын артқа тастап, тағы да белгісіздікке жүремін...
.
Бірақ бала арманымды тапқан күннен бастап, Жаным "солай қарай жүр" деп тыныштық бермейді. Алыстан тағы бір Мақпал қол бұлғап шақырып тұр...
.
Пауло Куэльоның "Алхимигінде" қойшы Сантьяго қазына іздеп Испан тауларынан бәленбай жыл жүріп пирамидаға барады ғой. Ақыры сол жерде қазына өзі күнде қой жайған Испания тауларында екенін естіп, қайта оралып, қазынасын табады.
.
Мен өз кеудемдегі қазынамды табу үшін қаншама елді аралап ілім алып, әлемнің түкпір-түпкіріне бардым. Қаншама кітапты оқыдым. Содан кейін барып, қазына үнемі өзіммен бірге екенін ұқтым ғой....
.
Психология саласынан кеткеніммен, мен сіздермен біргемін. Күнделікті жазбалар мен тікелей эфирлер жалғасын таба береді.
.
"Қайда кетіп барасың?" деп бәрібір сұрайсыздар ғой. Айтайын. Жазуға...