Таулы аудандарда қардың еруі және жауын-шашынның көп түсуіне байланысты су деңгейі көтерілген, - деп хабарлайды Alashainasy.kz тілшісі ҚР ТЖМ телеграм арнасына сілтеме жасап.
2 ақпанда сағат 08:00-ден бастап таулы аудандарда қардың еруі және жауын-шашынның көп түсуіне байланысты су деңгейі көтеріліп, нәтижесінде Кентау және Түркістан қалаларында және Бәйдібек, Ордабасы және Сауран аудандарында аула аумақтары мен көшелер су астында қалды.
ТЖД күштерімен үйлерді су басуға жол бермеу мақсатында және жаңбыр суын сору бойынша жұмыстар жүргізілуде.
50-ден астам құтқарушы, 10 бірлік техника және 20 мотопомпалар жұмылдырылған.