Астанада елорда күні мерекелік отшашумен аяқталды. Фейерверктер шоуы сағат 23:00-де қаланың 5 жерінде өтті: Есіл өзенінің жағалауы, "Хан Шатыр" СОО алаңы, Пушкин көшесі мен Абылай хан даңғылының қиылысы, Music Hall мейрамханасының жаны, сондай-ақ "Арман" дүкені жанындағы "Жас батыр" стадионының аумағы.
Биылғы жылы Астана тұрғындары мен қонақтары таңғажайып отшашуларды 10 минут бойы тамашалады.
Айта кетейік, 1994 жылы Қазақстан Республикасы Парламенті отырысында Қазақстан Республикасының Президенті Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады.
1997 жылы 20 қазанда Мемлекет басшысы астананы ауыстыру туралы Жарлыққа қол қойды.
1998 жылы 6 мамырда Ақмола қаласының атауы Астана болып өзгерді.
1998 жылы 10 маусымда жаңа елорданың халықаралық тұсаукесер рәсімі өтті. Бұл күн 2006 жылға дейін елорданың туған күні ретінде мерекеленіп келді.+
2006 жылдан бастап 6 шілде Астана күні ретінде аталып өтеді.
today.kz/kz/news/tyinyis-trshlk/2016-07-07/721526-astana-kn-merekelk-otshashumen-ayataldyi/