Өлімнен ұят күшті
Қытайда батпаққа батып кеткен ұялшақ жігіт суда 11 сағат тұруға мәжбүр болды. Құтқарушылардың айтуынша, егер ол шалбарын шешіп тастағанда, мұнша ұзақ уақыт тұрмай, батпақтан оп-оңай шыға алар еді. 
Orange News агенттігінің хабарлауынша, Янцзы өзенінің жағалауындағы лайға қос аяғымен батып кеткен жігіт маңайдағы балықшыларды көмекке шақыруға да ұялған. Бірақ әлгіні көзі шалған адамдар құтқарушы шақырып, жігітті батпақтан шығарып алуға әрекеттенеді. Дегенмен 25 жастағы Сяо Чень «шалбарыңды шеш» деген кеңеске құлақ аспай, құтқару жұмыстарын қиындатады. Ақыры жарты тәулікке жуық уақыттан кейін әрең дегенде жігітті суырып алу мүмкін болды. Кейін журналистермен тілдескен Сяо шалбарының ішінен ішкиім кимегенін, сол себепті құтқарушылардың алдында әбүйірін көрсетуден қысылғанын айтқан.
