Қыздығымды сатам: Елімізде өзіне бай-бағлан жігіт іздейтін қыздардың парақшасы ашылды
Елімізде өзіне бай-бағлан азамат іздейтін қыздар мен бірнеше күнге төсектес болатын нәзік жандыларды іздейтін жігіттерге арналған парақша пайда болды деп хабарлайды NUR.KZ.
Әлеуметтік желілердің біріндегі парақшаға бүгінде 14 мыңнан аса адам тіркеліп үлгерген.
Аталмыш жерде өзіне VIP-демеуші іздейтін қыздардың ең жасы 18-ге әлі толмаған екен. Олардың бірі ақшадан қиыншылық көрсе, бірі студенттік өмірден жалыққан. Көңіліне желік кірген бойжеткендеріміз қыздығын сатқысы келетінін де жайып салған.
Ал жігіттер қауымы әзірге үйленгісі келмейтіндіктен сенбі-жексенбі күндері өзімен төсектес болатын аруға іздеу жариялапты.
Арасында бірнеше баланың аналары да бар. Олар тұрмыс тауқыметінен шаршап, ер азаматты аңсағандарын жасырмады.
"Жасым 27-де. Мен өзіме сымбатты да қайратты жігіт іздеймін. Өзім қазақпын. Ол жігіттің қалтасы қалың болуы шарт. Жас мөлшері 40-тан аспауы керек", - дейді белгісіз бойжеткен.
Әйелі бар азаматтарға қызығушылық танытатын сұлуларымыз да бар болып шықты. Басты мақсат өміріндегі қиыншылықты жеңіп шығатын, қаражат беріп тұрса болғаны.
"Алматылықпын. Жасым 22-де. Өзіме бойы 180-нен асатын, 35 жасқа дейінгі азамат іздеймін. Қалталы болуы шарт. Маған Алматыдан еврожөндеуден өткен бір бөлмелі пәтер мен ай сайын жұмсайтын бір миллион теңге беріп тұрса болғаны. Мен: сымбаттымын, әдемімін. Бойым – 168, салмағым -52 келі. Үй тірліктерін жасай алмаймын. Тамақ пісіру қолымнан келмейді. Күнде мейрамханадан тамақтанып тұрамыз. Егер ол жігіт кейін мені ұнатып үйленгісі келсе, қарсы емеспін", - деп жазыпты алматылық ару.
Айта кетейік, бұл парақша тек қазақстандықтарға арналған. Бақытын ақшадан іздейтін сұлулар мен төсектес іздейтін сері жігіттердің жас шамасы 18 бен 40 аралығында.
