Көріктілер қандай сыйлық қалайды?

8 Наурыз – Халықаралық әйелдер күні қарсаңында нәзікжандылар аса зор құрметке бөленетіні белгілі. Мереке жақындаған сәтте әрбір ана мен қарындастың, бойжеткендердің бойын қуаныш билейді. Яғни сүйіктісі мен достарынан, адал жарынан, балаларынан не болмаса құрбы-құрдастарынан іштей сыйлық күтеді. Дәл қазір базар маңында адамдар ығы-жығы. Әрқайсысы, өз сүйіктісіне ұнамды әрі қалтасына сай сыйлық алғысы келеді.
Осыған орай біз қыз-келіншектерден бір­неше сұраққа жауап беруін өтінген едік.
1. 8 Наурыз күні қандай сыйлық ал­ған­­ды ұнатасыз?
2. Сыйлықтың құны сіз үшін маңызды ма?
3. Сіз үшін ең қымбат сыйлық қандай?
4. Өзіңіз кімге сыйлық жасауды ойлап отырсыз?
Алтын ЕДРИСОВА, Ақмола облыстық сот акті­лерін орындау департаментінің инс­пек­торы:
– Егер сүйіктім болса, 101 раушан гүлін таңсәріде бөлмеме әкеліп қой­ғанын қалар едім. Мұндай құрмет, ең алдымен, бірден көңіл күйіңізді кө­те­ріп, қуаныш пен шаттық бойыңызды кер­неп, бір сәтке болса да барлық қиын­­дықтарыңызды естен шығарады деген ойдамын.
– Жоқ. Сыйлықты маған әкелген адам мені сыйлағандықтан, маған құр­метпен қарағандықтан сыйлайды деп ой­лаймын. Сон­дықтан сыйлықтың құны қандай бол­ма­сын, ұнасын-ұна­ма­с­ын жақсы көңілмен қабылдауға тыры­са­мын.
– Мен үшін адамның шын ниеті мен көңілінен артық ешқандай сыйлық жоқ.
– Өзім, біріншіден, анама, сіңлі­ле­ріме, әріптестеріме сыйлық беремін.
Мөлдір ЖҮСІПОВА, студент:
– Маған кәдімгі бәйшешек гүлін сыйлағанын қалар едім. Өйткені ол қар астынан жарып шыққан гүл емес пе. Бала кезімізде ауылда қыр басында жарыса жүгіріп, бәйшешек теріп алатын­быз. Күн нұрының жылт еткен сәулесінен нәр алған бәйшешектің ғұмыры да қысқа. Дегенмен жер бе­тін­де бір сәт қана тірлік кешсе де, қаншама жанға махаббат атты құдіретті күш сый­лай­ды. Сондықтан мен бұл гүлді махаб­бат­тың мәңгілік символы деп есеп­тей­мін.
– Әрине, маңызды. Сыйлықтың құ­ны­на қарай сен өзіңді қалай баға­лай­тынын аңғаратын боласың.
– Мен үшін ең қымбат сыйлық дей­сіз бе? Ойланарлық сұрақ екен. Ме­нің ойымша, маған бриллиант тас­та­ры­нан артық қымбат сыйлық жоқ. Әзіл, әрине. Кім қандай сыйлық жасаса да, шын көңілден болса болды.
– Сыйлықты тек анама ғана жасай­мын. Өйткені мен үшін ең қымбат адам анам ғана.
Назгүл АЙТКЕЕВА, сатушы:
– Маған қып-қызыл нарттай раушан гүлдерін сыйлағанын қалар едім. Өйт­кені алқызыл раушан әлемдегі махаб­батты сөзсіз-ақ ұғындыратын символ деп санаймын. Жоқ. Мұнымен қоса, маған қан қоздыратын экстримальді, мәселен, парашютпен секіру неме­се тауға шығу сияқты тамаша ләз­зат сыйлайтын ғажайып демалыс ұйым­дастырғанын қалар едім.
– Жо-жоқ, ол не дегеніңіз. Қандай сый­лық болса да, өзіме ұнамағанын біл­дір­мей, бірден ризашылықпен қа­был­дап, сыртқы қорабын сол жерде-ақ ашуға тырысатын едім.
– Мен үшін ең қымбат сыйлық, әри­не, ол – шын ықылас. Ол қандай сый­лық болсын, ыстық ықыласпен беріл­генге ештеңе жетпейді.
– Сыйлықты анама, әпкем мен сің­ліме беремін.
Гүлдарай АБДРАХМАНОВА, мемлекеттік қызметкер:
 – Маған қандай да болсын әдемі гүл сыйлағанын қалар едім. Менің ойым­ша, әрбір нәзікжанды адамға гүл сыйлаған ер-азамат қателеспеген болар еді деп ойлаймын.
– Жоқ, сыйлық құны мен үшін аса ма­ңыз­ды емес. Дегенмен маған сыйлық сый­лаған адам менің нені жақсы көре­тінімді алдын ала біліп алуы тиіс деп ойлаймын.
– Мен үшін жарқын көңілмен «Ме­рекең құтты болсын!» деген сөзден артық құрмет пен сыйлық жоқ дер едім.
– Өзім анама, әпке-сіңлілеріме, әріп­тестеріме сыйлықтар алуды жос­парлап отырмын.