«Кендірлідегі» келелі істер

«Дені саудың – жаны сау». Десе де көп жағдайда тіршіліктің қамымен денсаулыққа тиісті деңгейде көңіл бөле бермейтініміз рас. Қазіргі таңда жұмыс беруші мекемелердің барлығы бірдей жұмысшы денсаулығына жіті қарап, тиісті әлеуметтік қолдаулар көрсетіп жатыр деп айту қиын шығар. Дегенмен өз еңбеккерлеріне және олардың отбасы мүшелеріне тиісті деңгейде әлеуметтік көмек көрсетіп отырған кәсіпорындар да жоқ емес. Осындай іргелі кәсіпорынның бірі «ҚазМұнайГаз» Барлау Өндіру» АҚ десек артық айтқандық болмас. Отандық мұнай өндіруші компания өз жұмысшыларының қолайлы еңбек етуіне, денсаулықтарын нығайтуына және демалыс уақытында шипажайларда тынығуына барынша жан-жақты мүмкіндіктерді жасап отыр.
Осы жылдың қыркүйек айында Маң­ғыстау мұнайының 50 жылдығына орай «Кендірлі» демалыс аймағында меди­циналық-оңалттыру орталығы ашылды. Жаңа әлеуметтік нысан «Өзенмұнайгаз» өндірістік филиалының мұнайшылары мен осы сала ардагерлері, сондай-ақ өзге де тұрғындарға қызмет көрсетеді. Осындай медициналық-оңалттыру орталығының салы­нып, пайдалануға берілуіне «Қаз­Мұ­найГаз» Барлау Өндіру» акционерлік қо­ғамы мұрындық болып, үлкен қолдау көр­сетіп отыр. Компания 2004 жылы құ­ры­лып, қызмет ете бастағалы бері облыс­тың әлеуметтік дамуына 10 мил­лиард тең­ге­ден астам қаржы жұмсады.
«ҚазМұнайГаз» Барлау Өндіру» АҚ «Самұрық-Қазына» ұлттық әл-ауқат қоры және Маңғыстау облысының әкімдігі бе­кіткен 2010-2014 жылдарға арналған «Өзенмұнайгаз» өндірістік филиалында әлеуметтік-экономикалық жағдайды тұрақтандыруға байланысты іс-шаралар жоспарын жүзеге асыруды қолға алып отыр. Аталған медициналық-оңалттыру орталығы – осы шаралардың бірі ғана. Компанияның бұдан басқа да әлеуметтік жо­баларды іске асыруда атқарып жатқан іс-шаралары жетерлік.
«Кендірлі» демалыс аймағы Каспий теңізінің жағалауына орналасқан. Қарт Каспийдің керемет табиғаты аясында ор­на­­ласқан орталықтың таза суы мен ауасы, жоғары сапалы, толыққанды емдеу түрлері адам денсаулығына таптырмас шипа екені белгілі. Теңіздің ауасы адамның тыныс жо­лын жақсартса, теңіз толқыны адам пси­хологиясына жағымды әсер етеді. Енді осы­­нау көрікті теңіз жағалауында меди­ци­налық-оңалттыру орталығының ашылуы мұнайшыларды, жалпы, мұнайлы қала тұр­­ғындарын тек зор қуанышқа бөлеп отыр.
Орталықтың жанынан «Ақбөбек» атты жаңа балалар сауықтыру лагері де ашыл­ған. Бұл лагерь мұнайшылардың бала­лары­­на жазғы демалыс уақытында қызмет көрсетеді. Жаздың күні бұл жерде 1500 ба­ланың демалуына болады.
«ҚазМұнайГаз» Барлау Өндіру» ак­цио­нерлік қоғамы бұл екі ғимараттың салы­нуына 1,5 млрд теңге жұмсады. Бұл ғима­рат­тар Қазақстан Үкіметінің Жаңаөзен қа­ласының әлеуметтік-экономикалық мәсе­лелерін шешудегі кешенді жоспарын орын­дау аясында салынып отыр. «Қаз­Мұ­найГаз» Барлау Өндіру» АҚ-тың бұл бас­тамасына «Медикер» медициналық ком­па­ниясы өз үлесін қосты. Медициналық компания орталықты медициналық жаб­дықтар, жиһаз және өзге де мүліктермен қамтамасыз етті.
«Кендірлі» медициналық-оңалттыру орта­лығының қызметінің басты мақсаты – «Өзенмұнайгаз» өндірістік филиалының және «ҚазМұнайГаз» Барлау Өндіру» АҚ-тың өзге де бөлімшелерінің қызмет­кер­леріне кешенді емдеу-сауықтыру қызметін көрсету арқылы денсаулықтарын нығайту, қызметтік белсенділіктерін арттыру. Бұл орталықта жылына 3,5 мың адам емделсе, ал айына 300 адам өз денсаулықтарын нығайта алады.
«Медикер» медициналық орталығы­ның бас директоры Гүлжан Садырбаеваның ай­туы бойынша, бұл орталықта бір мез­гілде 100 адам ем қабылдай алады. Орта­лық­тың емдік жұмыстары, негізінен, «Өзен­­­мұнайгаз» өндірістік филиалының қызметкерлеріне алысқа бармай-ақ, өз жерінде кешенді емдеу, сауықтыру қыз­метін пайдалануға үлкен мүмкіндік ту­дырып отыр.
«Өзенмұнайгаз» қызметкерлері дем­алыс орнында демалумен қатар, жыл сайын емделуге 60 АЕК көлемінде ма­териалдық көмек алады. Ал мұнай­шы­лардың 7 мен 14 жас аралығындағы бала­лары Қазақстан, Ресей мен Украинаның лагерьлерінде тегін демалады. Енді маң­ғыстаулық мұнайшылардың балаларының алысқа бармай-ақ, Каспий теңізінің жаға­лауын­дағы лагерьде де демалуына мүм­кіндік туып отыр.
Өндірістік филиалдың мұнайшыларына 14 емдеу және медициналық реабили­та­циялық қызмет түрі көрсетіледі. Орта­лық­та: Мойылды өзенінің сульфитті лай-бат­пақты пайдалану арқылы емдеу, «Қа­тон-Қарағай бұғы саябағының» бұғы мүйі­зі өнімдері негізінде емдеу, сумен емдеудің түрлері, гирудотерапия, парафинді емдеу (балауызбен емдеу), шөппен емдеу, от­тегімен емдеу, дәстүрлі физиотерапия, мас­саж және денешынықтыру тағы да бас­қа емдеу-сауықтыру қызметтері көр­се­ті­леді. Мұның бәрі бір орталықта бол­ған­дықтан, демалушылар өз денсау­лық­та­рына толыққанды ем түр­лерін қабыл­дайды. Әртүрлі ем көрсету үшін оның не­гіз­гі көзі шоғырланған жер­лерге барып емделу де қажет емес, әр аймақтан табы­ла­тын ем түрлері шоғыр­ланған ке­шенді ор­­та­лық бұл қызметтерді бір мезгілде көрсете алады.
Теңіз жағалауында демалып, емделу адам денсаулығына өте пайдалы. Әсіресе теңіз суы, ауасы мен толқындарының ден­саулыққа әсері мол. Теңіздің тұзды және йодтың ионы бар ауасы адамның тыныс алу жолдарына жақсы әсерін тигізеді.
Осындай әлеуметтік маңызы бар жоба­ларды жүзеге асыру тек аудан тұрғындары үшін ғана емес, жалпы, мемлекетімізге де тиімді. Себебі Президентіміз жыл сайын­­­ғы халыққа Жолдауында денсаулық сақтау саласын жақсартуды, тұрғындардың ден­саулығына жауапкершілікпен қарауды айтып келеді. Елімізде «Салауатты өмір сал­ты», қазіргі «Саламатты өмір» атты ден­саулық сақтау саласында түрлі мемлекеттік бағдарламалар да қолға алынып жатыр. Міне, «ҚазМұнайГаз» Барлау Өндіру» акционерлік қоғамы елімізде қабылданып жатқан осындай әлеуметтік маңызы зор бағдарламалардың өмірде тиісінше жүзеге асуына өз үлесін қосуда.
Салауатты өмір салтын насихаттау, ме­дициналық қызмет түрлерінің қолжетім­ділігі мен сапасын арттыру, денсаулық сақ­тау саласының инфра­құрылымын рес­публикамыздың астанасынан бастап, бар­лық қалалар мен жергілікті жерлерде да­мы­ту қазақстандықтардың денсау­лық­тарын нығайтуға үлкен септігін тигізеді. Сол себепті «ҚазМұнайГаз» Барлау Өн­діру» ак­ционерлік қоғамы Каспий теңізінің жағалауында орналасқан «Кендірлі» демалыс орнында медициналық-оңалт­тыру орталығы мен оның жанынан «Ақбө­бек» атты жаңа балалар сауықтыру лагерін ашып отыр.
Қызметкерлердің денсаулығы ком­пания үшін өте маңызды. Себебі адам ең­бегі компанияның негізгі капиталының бірі екені белгілі. Ал денсаулық адамның өмір сүру салтына және еңбегінің нәтижесіне бай­ланысты. Сондықтан денсаулық мәсе­лесіне жіті көңіл бөлінуі орынды. Әлеу­мет­тік көмек пен өмірді сақтандыру сияқты жа­уап­кершілікті сезініп отырған мұнай компаниясының бұл бастамасы, атқарып отырған игі істері өзге де компанияларға үлгі болары сөзсіз.