Ұйқысы сау адамдарда жүрек ауруының қаупі айтарлықтай төмен болады. Мұндай тұжырымды ғалымдар бірқатар зерттеулер жүргізгеннен кейін жасады, деп хабарлайды Stan.kz ақпарат агенттігі.
Зерттеулердің нәтижелері Америкалық жүрек ассоциациясының журналында жарияланды
Сарапшылар жүрек жеткіліксіздігі мен дұрыс ұйқының арасындағы байланысты анықтай алды. Олардың мәліметтері бойынша ұйқы күніне жеті-сегіз сағатқа созылуы керек, бұл ретте таңертең тұру, ұйқысыздық, қорыл немесе шамадан тыс күндізгі ұйқы болмауы керек.
Мамандар британдық биобанктің 37-ден 73 жасқа дейінгі 408 802 қатысушысының деректерін зерттеді, оларға 10 жыл бойы бақылау жүргізілді. Ұйқы кезіндегі мінез-құлық туралы ақпарат сенсорлық экран сауалнамаларының көмегімен жиналды. Нәтижелер ұйқының дұрыс режимі бар ересектерде жүрек жеткіліксіздігінің даму қаупі 42% төмен екенін растады.
Бұл жағдайда тәуекел ерте тұрған адамдар үшін 8%-ға, күніне жетіден сегіз сағатқа дейін ұйықтайтындарда 12%-ға, ұйқысыздықтан жиі зардап шекпейтіндерде 17%-ға және күндіз ұйықтамайтындарда 34%-ға төмендейді.