Теміржолдағы апаттардың жиілеп кетуінің себебі неде?

Кәмшат КӘКІШЕВА, «Жолаушылар тасымалы» АҚ БАҚ және сыртқы байланыстармен жұмыс жүргізу бөлімі бастығының міндетін атқарушы:
– Теміржолдағы төтенше оқиғаларға әдетте табиғи жағдайлар кедергі бо­лады. Мәселен, қыс мезгілінде аяқастынан жел тұрып соққан боран жол­ды бөгейді. Көктемгі уақытта кейбір аймақтардағы жиналған қалың қар еріп, су жи­налады. Осындай жағдайда техникалық ақаулықтарға бай­ла­ныс­ты жүк пойыз­дары рельстен шығып кетіп жатады. Бұл өз кезегінде жо­лау­шылар пойы­зының жолда тұрып қалуына себеп болады. Дей­тұр­ғанмен біздің елде мұндай аяқасты туындайтын жағдайлар өте сирек. Бол­ған күннің өзінде бар­лық ва­гон­дар қосымша қажетті көмір, дизельді отын­мен және ыстық сумен қамтамасыз еті­леді. «Жолаушылар тасымалы» АҚ мен Тө­тенше жағ­дайлар департаменті біріге отырып жолаушыларға ба­рын­ша кө­мек көр­се­теді. Орын алған оқиғаға бай­ланысты өте жедел түрде арнайы ко­миссия тобы құрылып, жағдайдың себе­бін анықтап, теміржол кө­лігін мүм­кіндігінше тез арада іске қосу бойынша жұмыстар жүргізіледі. Жал­пы, қазір теміржол сала­­сында технологиялық дамуға ұмтылу бар. Локо­мо­тив­тер­дің заманға сай жаңа түрлері құрастырыла бастады. Сон­дықтан ке­ле­шек­те теміржолдағы төтен­ше оқиғалар легі толастайтынына сенім арту керек.

Жұмаділ БАЙҒҰНШЕКОВ, техника ғылымының докторы, профессор:
– Естеріңізде болса, өткен жылы Қытайда ірі теміржол апаты болды. Темір­жол апаты 39 адамның қаза табуына және 192 адамның жа­ра­ла­нуы­на алып келді. Соңынан тексере келе, апаттың орын алуына құрал-жаб­дықтардың ескіріп, тозуы әсер еткен деген қорытынды жасалды. Сонда ол елде жүрдек пойыздардың соқтығысуына белгі беруші құрал-жабдықтың кі­нәраты себеп болды. Осы қорытындыға сәйкес, темір­жол­дағы бағ­дар­ша­м­дардың бірі найзағай ұрған соң жасыл түстен кейін қызыл түсті көрсете алмаған. Мұның арты бір жолмен келе жатқан екі пойыз­дың соқ­тығысуына алып келіп, үлкен апат орын алды. Әрине, «жа­ман айтпай, жақ­сы жоқ». Құдай оның бетін әрі қылсын, қазір әлем бойын­ша теміржол апат­тарының жиі­леп тұрғаны рас. Біздің елімізде де пойыз­дардың тоқтап қалуы, рельстен шығып кетуі тәрізді оқиғалар ара-тұра орын алып қалады. Сон­дықтан бұл жерде енжарлыққа бой бермеу керек деп есептеймін. Осы бас­тан теміржол саласындағы қозғалыс қауіп­сіздігін қатаң бақылауға алға­нымыз жөн. Ол үшін, әрине, локо­мо­тив­тердің сапасын, теміржол бағ­дар­шамдарының әлеуе­тін, жалпы, осы сала­дағы сапа менеджментін арттырған абзал.

Нығметжан ЕСЕНҒАРИН, Құрметті теміржолшы:
– Мен бұл салаға қатысты белгілі бір сын айта ал­маймын. Себебі қазіргі теміржол саласында істі ұйым­дастыру, жүргізу бағыттары мүлде жаңаша. Біздің ке­зі­міз­­дегі жұмыс бағыттарымен, ұйымдастыру ісімен са­лыс­тырғанда қазіргі іс жүргізу тәсілдері мүлде бас­қаша. Бүгінде салада жаңашылдық бар. Мұны мойындау керек. Технологиялық жағынан даму басым. Жұмысты жүргізу тәртібінде жаңашылдық көп. Кезінде теміржол са­ласында істі ұйымдастыру жағының маманы бол­ған­дықтан айтарым, қазіргі теміржол саласында тех­но­ло­гиялық жағынан ілгерілеушілік қарқындап тұрған за­манда біз ешқандай төтенше оқиғаларға жол бермеуіміз керек. Бұл ретте мамандардың еңбектеніп, маңдай тер ізденіспен қызмет еткені бізге аса қажет.