Оны құлай сүйсем де, таяғына шыдай алмадым

Бір күні дүкенге бір əйел келді. Ананы-мынаны сұрап жанымда біраз тұрды. Жасымды, руымды т.б жеке өміріме қатысты сұрақтар қойды. Ертесіне бойы ұзын, ақ құба жігіт келіп тұр. Ол да анау-мынау деп сауда жасаған болып кетті. Кеш болып үйге қайтуға асығып жиналып сыртқа шықтым. Əлгі жігіт тұр. Біртүрлі екен танымайтын адамның сені күтіп тұрғаны. Содан ол мені шығарып салғысы келетінін айтты. Мен үндемедім, ол да үнсіз жанымда еріп келеді. Сөйтіп күнде маған келіп тұратын болды, телефон арқылы сөйлесіп тұрдық. Сөйтіп жүргенде бір-бірімізді ұнатып, бауыпр басып, отбаын құрдық. 
 Баста қызық болды бəрі. енем де бəрі-бəрі керемет еді. Содан бір күні қайынапкеммен манты түйіп отқанбыз. Əнгіме арасында күйеуімнің бұрын үйленгенін, қызы бар екенін айтты. Таң қалдым. Не айтарымды білмей састым. Қайын əпкем де ыңғайсызданып ақталып кешірім сұрап кетті. Ештеме емес білгенмін дедім да қойдым. Кешке куйеуім жұмыстан келді. Тамағын беріп бөлмеге кіргенде жəйлап сұрай бастадым. Ол кешірім сұрап,  айтқысы келгенін бірақ мен тұрмысқа шықпай қоя ма деп қорыққанын сосын айтпағанын айтып ақталды. Шыны керек мен қатты қобалжымадым. 

 

Күйеуім басым ауырады деп жиі айтатын және басы ауырғанда ештеңеге зауқы болмай жатып қалатын. Әр адамның мінезі болады ғой. Оның да мінезі болды. Басы ауырғанда қатты ашуланатын. Бірақ басы қойса одан жаксы адам жоқ. Маған махаббат жайлы көп өлеңдер шығарып беретін. сүйетінін айтып қайталай беретін. Мен қатты жақсы көрдім. 

Бірақ кейінгі кезде басының ауыратыны жиілеп, қатты ашуланып, тіпті қол көтеретінді шығарды. Онысын тек басы ауырғаннан ғой деп мəн бермедім. Басы ауырғаны күшейіп кетті, тексерілуге барғысы келмейді. Оның басы қашаннан бері ауыратынын қайынапамнан сұрасам, ол  11 сынып оқып жұргенде 5 қабаттан құлағанын айтты. этажды домнан құлаған екен. Содан бері бсы қатты ауыратын көрінеді. Кейін білдім, бірінші əйелін көп ұрғаны үшін кетіп қалыпты. Келе-келе мені де жиі ұратынды шығарды, артынша кешірім сұрап құшақтап жұбатады.Сөйтіп жүріп бала көтерд. Ол ашуланғанда жүкті екеніме қарамай аямай ұратын. Бірақ қанша таяқ жесем де балам түсіп қалмады. 7 айлық кезінде тым қатты ұрып тастады. Аузым қанап басым айналып кетті. Ішімді ұстап бүгіп отырып қалдым. Тұруға шамам жоқ. Ұрмашы деп жатырмын, бірақ даусым шықпайды. Сосын киімдерімді жинадым да кетпекші болдым, ол жібермей құшақтап тұрып алды.  Өмірімде төркініме жылап барған емеспін. Бұл ең алғашқы жане ең соңғы ұрсысып барғаным еді. Əкем узи-ге түсуге акша т.б жағынан көмектесті. Тексерілдім, бала сау деді. Бірақ ішімде күдік ба,р 7 ай бойы соққы алған бала ғой деп Аллаға жалбарынумен болдым. 9 ай толғанда босанып, қызды болдым. Күйеуім кешіріп сұрап келді, бірақ мен оған сене алмадым, басы ауырған кезде қызым екеумізді өлтіріп қоя ма деп қорықтым.  Сол бойы ажырасып кеттік. Кейде оның бірініш әйелі маған хабарласып тұрады, ыздарымыз да кездесіп тұрады. Қазір қызым 2 жарымда. Менен соң үйленді деп естідім əкесін. Осы күндері маған жазып хабарласып жүр. Алған əйелі мінезді екенін сырттан естіп жатырмыз. енеме де атаға да қарамайды екен. Қыздың əкесі мені сағынғанын айтады, жалынады. көргісі келетінін айтады. Мен де оны сағынсам да, кездесудцің енді мәні жоқ деп ойлаймын. Хабарласса, жауап бермей жүрмін. .Бірақ расын айтсам, мен одан баска ер адамды қабылдай алмайтын сияқтымын. Керек емес те сияқты өзге ер адам. Өзге еркекпен сөйлесу жиіркенішті сияқты. Не істерімді білмеймін, ары қарай қалай өмір сүрсем екен. 

Аноним