Мұрат Мағауияұлы Оспанов
Мұрат Мағауияұлы Оспанов 1967 жылы 8 мамырда Алматы қаласында дүниеге келген. Семей ет және сүт өнеркәсібі технологиялық институтының «Тамақ өндірісінің машиналары мен аппараттары» факультетін (1994) инженер-механик мамандығы бойынша; Шәкәрім атындағы Семей мемлекеттік университетін (2006) экономист мамандығы бойынша бітірген. 1986 жылдың наурызынан - «Семипалатинскмелиорация» өндірістік құрылыс пайдалану бірлестігінің №32 ЖМК гидрогеолог-шебері. 1986 жылдың сәуірінен - Кеңес Әскерінің қатарында қызметте. 1988 жылдан - «Қазгидроводхоз» институты Семей филиалының жобалау бөлімінің 2-ші санатты технигі. 1989 жылдан - «Семипалатинскмелиорация» өндірістік құрылыс пайдалану бірлестігінің өндірістік-техникалық бөлімінің инженері, 1990 жылдан - №56 ПМК құрылыс учаскесінің шебері. 1991 жылдан - «Большевичка» АҚ сенімді басқарушысы (Семей қаласы). 1997 жылдан - «Мирас» ЖШС бас директоры (Семей қаласы). 2002 жылдың сәуірінен - Семей қаласы әкімінің орынбасары. 2002 жылдың қарашасынан - «Мирас» ЖШС бас директоры (Семей қаласы). 2004 жылдан - Шығыс Қазақстан облысы Мемлекеттік сатып алу басқармасының бастығы (Өскемен қаласы). 2005 жылдан - ҚР Табиғи монополияларды реттеу агенттінің Шығыс Қазақстан облысы бойынша басқармасының бастығы (Өскемен қаласы). 2008 жылдың қаңтарынан - Астана қаласы бойынша ҚР Табиғи монополияларды реттеу агенттігі төрағасының орынбасары. 2008 жылдың қазанынан - Павлодар облысы әкімі аппаратының басшысы. 2010 жылдың қарашасынан - Павлодар облысы әкімінің орынбасары. 2012 жылдан бері - ҚР ТМРА төрағасы. Шығыс Қазақстан облыстық мәслихатының 2-ші және 3-ші шақырылымдарының депутаты. «Құрмет» орденімен (2010) марапатталған.
