Алматыда екі көліктің үстіне үлкен ағаш құлады, - деп хабарлайды Alashainasy.kz тілшісі "ҚазАқпарат"-қа сілтеме жасап.
Оның видеосы әлеуметтік желіде тарады.
Алматы қалалық Төтенше жағдайлар департаментінің мәліметінше, 24 тамызда сағат 13:05-те оқиға орнында болған адамдардан Алмалы ауданында Әди Шәріпов көшесінің бойында 120 үйдің жанында Kia Rio, Chevrolet Cobalt маркалы екі автокөлікке ағаш құлағаны туралы хабар келіп түскен.
«Оқиға орнына тазарту жұмыстарын жүргізу үшін Алматы қаласы әкімдігінің 109 құтқару қызметінің жұмысшылары жіберілді. Құрбандар мен зардап шеккендер жоқ», - деп хабарлады ведомстводан.
Бұған дейін Алматыда 84 мыңнан астам ағаштың шіріп тұрғаны жайлы айтқан едік.
Сондай-ақ биыл қала әкімдігі қауіпті, шіріген және ескі жасыл желектерді уақытылы жою және анықтау үшін заманауи құрылғылар сатып алатыны туралы жазған болатынбыз.
Соңғы сағатта көп оқылған жаңалықтар осында Massaget.kz