Ақтөбеде көпқабатты үйдің пәтерінен екі адамның мәйіті табылды, - деп хабарлайды Alashainasy.kz. Бұл туралы Sputnik Қазақстан тілшісі Ішкі істер министрлігінің Telegram каналына сілтеме жасап жазды.
Ресми мәліметке сәйкес, бүгін таңғы сағат 05:30 шамасында полицияға пәтерлердің бірінде екі мәйіт табылғаны туралы хабар түскен.
Оқиға орнында 35 жастағы әйелдің және 16 жастағы ұлының қайтыс болғаны анықталды. Олардың денесінде зорлық белгілері болған.
"Сонымен қатар қаза тапқан әйелдің 13 жасар қызы пышақ жарақатымен балалар ауруханасының жансақтау бөліміне жатқызылды", - дейді полицейлер.
Қазіргі кезде Қылмыстық кодекстің 99-бабы 3-бөлігі ("Кісі өлтіру") бойынша сотқа дейінгі тергеу шаралары басталды. Қылмыс жасаған адамдарды анықтауға және ұстауға бағытталған жедел шаралар өткізіліп жатыр.