Жұмыс уақыты мен тынығу уақыты еңбек шартында нақты көрсетілуі керек пе?

Мен ауысыммен қызмет атқаратын жұмысқа қабылдандым. Алайда еңбек шартында жұмыс уақыты мен тынығу уақыты нақты көрсетілмеген. Заң бойынша қалай болуы керек?
Бекжан БЕКТҰРҒАНОВ, Қызылорда облысы
Сарапшы мамандардың айтуынша, ҚР Еңбек кодексінің 28-бабына сәйкес, еңбек шартында басқа да міндетті мәліметтермен қатар, жұмыс уақыты мен тынығу уақытының режимі көрсетілуге тиіс. Яғни еңбек шартында жұмыс апта­сының және жұмыс уақытының түрлері мен олардың ұзақтығы, күнделікті жұ­мыс­тың (жұмыс ауысымының) ұзақтығы, ауысымдық жиынтық жұмыс есебі қолда­­нылатындығы, жұмыс күні (жұмыс ауы­сы­мы) барысындағы үзілістердің ұзақ­тығы, демалыс күндері, ақылы жыл са­йын­ғы еңбек демалысының ұзақтығы мен беру тәртібі және кодексте белгі­лен­ген басқа да жағдайлар көрсетіледі. Бұл ретте кодекстің 96-бабының 5-тарма­ғына сәйкес, үздіксіз өндірістерде не өндірістік-техникалық жағдайлар бо­йын­ша немесе халыққа ұдайы үздіксіз қызмет ету қажет­тігі салдарынан дема­лыс күндері жұмыс­ты тоқтату мүмкін бол­майтын өндіріс­терде істейтін қызмет­керлерге демалыс күндері жұмыс беру­шінің қызметкерлер өкілдерімен келісе отырып қабылдаған актілерінде бекі­тілген ауысымдық кестеге сәйкес қызмет­керлерге (қызметкерлер тобына) апта­ның әр күндері кезекпен бері­леді.