Жалқау депутаттар жазаланады

Кейде Парламент депутаттарының отырыстары мүшелерінің толық қатысуынсыз өтіп жатады. Кезекті мәжіліске келмей қалатын депутаттарға жаза қолданыла ма?
Еркебұлан ЯХИЯЕВ, Кентау

Егер депутат Палаталар мен оның ор­ган­­дарының отырыстарынан негізсіз се­беп­­термен үш реттен артық қалып қой­са, қатыспаған күндерiнің жалақысы тө­лен­­бей­ді. Ал дәлелдi себептерсiз бiр айдан ар­­­тық қатыспаған жағдайда Конститу­ция­лық заңның 30-бабына сәйкес өзiне бе­рiл­­ген барлық материалдық, қаржылық және әлеуметтiк-тұрмыстық қамтамасыз ету жағдайларынан айырылады. Мұндай ше­шімді тиiстi Палатаның төрағасы қабыл­­дайды. Жазаның бұдан да басқа түрлері бар. Отырыс регламенттерiн немесе де­пу­тат­­тық әдеп ережелерiн бұзған­дар­­­ға Пала­та төрағасының шешiмi­мен парла­­менттiк мiнеу, көпшiлiк алдын­да ке­шi­рiм сұрауға мәжбүр ету, Палата­лар­дың бiр­­лес­кен не­месе бөлек отырыста­­рын­­да қа­та­рынан үш рет сөз бермеу, Палата­лар­дың бiрлескен немесе бөлек бiр оты­ры­сының уақытында отырыс залынан шы­ғарып жi­беру деген секілді жазалаулар қол­даны­лады. Қысқасы мектеп ережелерімен са­лыс­тырғанда «бұ­рыш­қа тұрғызу» жаза­сы ғана жоқ.