Халықаралық валюта қорының міндеттері қандай?

Теледидардан «ХВҚ пәлен деді, түген деді, ақша бөлді» деп жатады. Сол ХВҚ деген не?
Амангүл Момыш, зейнеткер
ХВҚ – Халықаралық валюта қоры — БҰҰ-ның ма­ман­дандырылған мекемесі. Штаб-пәтері Ва­шинг­тонда орналасқан. 1944 жылғы 22 шілдеде БҰҰ-ның валюта-қар­жы мәселесіне арналған Бреттон-Вуд кон­ференциясында ұйымның Хар­тиясы әзірленді. ХВҚ-ның  тұжырымдамасына 1945 жылғы 27 желтоқсанда 29 ел қол қойды. ХВҚ Бреттон-Вуд жүйесінің бір бөлігі ретінде 1947 жылдың 1 наурызынан бастап жұмысқа кірісті. Сол жылы Францияға қордың тұңғыш несиесі берілді. Қазір ХВҚ 185 елдің басын біріктіріп отыр.
ХВҚ валюта бағамдарын реттеу, нормаларын бел­гілеу, олардың сақталуын бақылау, төлем­дер­дің көпжақты жүйесі және валюталық шектеуді жою жолымен халықаралық сауда мен валюта ынтымақтастығын дамытуға жәр­­демдесу үшін, сондай-ақ төлем баланс­тарының ауытқы­ма­лығына байланысты ва­лю­та қиындықтары кезін­де өз мүшелеріне кре­дит ресурстарын беру үшін құрылған. Әдетте несиемен бірге қордың шарттары мен ұсыныстары қоса жүреді.