Халал квас пен халал сағыз бола ма?

Жуырда танысымнан халал квас пен халал сағыз болатынын естіп қалдым. Бұл қаншалықты шындыққа жанасымды? Халал квас, халал сағыз, халал косметика заттарының болатыны рас па?
Арай ТОҚТАБАЕВА, студент

Индустрия және сауда министр­лігі халал өнімдерді стандарттайтын техникалық комитеттің мәліме­тін­ше, америкалық алып «Wrigley's» ком­па­ниясы өзінің желатин қосылмаған сағызын халал деп та­ныпты. «Wrig­ley's» компаниясының мамандары биыл­ғы жылдың 8 қаңтарынан бастап «Kazakhstan International Ha­lal Expo – 2010» көрмесінде өз өнім­дерін, яғни халал серти­фи­катына ие болған өнімдерінің тұса­уын кескен.
Жалпы, мамандардың сөзіне қарағанда, қазіргі уақытта халал-ин­дустрияның әлемдік қаржы ай­налымы 1 триллион 300 миллион дол­ларға жеткен. Сондай-ақ әлем­дік деңгейдегі «Coca-Cola Com­pany» және «Microsoft» секілді әлемдік биз­нестің алпауыттары да Halal Foods MS 1500-2004 стан­дартының сертификатын алған. Сондықтан оқырман қауымда «халал өнімдері тек ет және ет өнімдерінен ғана алынады» деген түсінік болмауы керек. Бұл ретте мамандар «стан­дартына сәйкес таза, адал жолмен алынған өнім­дер үнемі халал болып саналады» дей­ді...