Ұлттық зияткерлік меншік институты немен айналысады?

Елімізде Ұлттық зияткерлік меншік институты жұмыс істейді деп естіп едім. Ол оқу орны болып санала ма? Оның мақсат-міндеттері қандай?
Айбар КЕНЕНБАЙҰЛЫ, Ақтөбе қаласы

Ұлттық зияткерлік меншік инс­ти­туты ҚР Зияткерлік меншік құқы­ғы ко­ми­тетінің филиалы ретінде 2006 жылы құрылған. Филиал тұл­ға­ларға, зияткер­лік меншік нысан­дарына құқықтық рәсімдеу кезінде практикалық және ке­ңес­тік көмек көрсе­тетін, елімізбен қатар таяу және шалғай шетелдердің патенттік ведомс­твосына өтінім беру және қарас­тыру кезеңінде өтінім беруші­нің шығын­дары мен тәуе­ке­лін ең аз көлемге дейін төмендетуге мүмкін­дік беретін мекеме болып табы­лады. Бұл институт оқу орны­на жат­пайды, алайда оның құры­лымында Оқу орта­лы­ғы бар. Оқу орта­лығы қыз­метінің негізгі бағыты – зият­кер­лік меншікті қорғау, сақтау сала­сында ма­ман­дарды даярлау және қайта даярлау, сонымен қатар зияткер­лік меншікпен байланысты бағыт­тардың дамуында қызығушы­лық та­ныт­­қан барлық тұлға­лар­дың білім деңгейін көтеру.
Филиал мамандары – аталған қыз­мет  саласындағы биік тәжіри­белі және біршама жұмыс өтіліне ие жоғары бі­лік­ті сарапшылар оқыту және тақырып­тық курстар, куәлік пен сертификаттар бері­летін семи­нарлар, сонымен қатар зият­кер­лік меншік нысандарын қорғау, сақ­тау, пайдалану және бағалау мәсе­ле­­лері бойынша конференциялар мен  дөңгелек үстелдер өткізеді. Атал­ған институт сондай-ақ авторлық құқық пен аралас құқықты, тауар таңбасын, қызмет көрсету таңбасын, өнерта­быс­ты, пайда­лы модельді, өнеркә­сіптік үлгіні, селек­ция­лық жетіс­тікті тіркеуге құжат­тарды рәсім­деуді жүзеге асырады.