Ұйым туралы ұғым

ЭСКАТО ұйымы жайында жан-жақты білгіміз келеді және оның біздің еліміздегі рөлі қандай?
Естай Нартайұлы, Өскемен қаласы
ЭСКАТО – Біріккен Ұлттар Ұйымының Азия және Тынық мұхиты өңіріне арнал­ған экономикалық және әлеуметтік ко­мис­сиясы. Бұл комиссия 1947 жылы ЭКОСОС қарарына сәйкес Шанхай қа­ла­сында (Қытай) бекітілген. 1974 жыл­ға дейін ол Азия мен Қиыр Шығысқа ар­налған экономикалық комиссия деп атал­ған. Комиссияның штаб-пәтері Банг­­кокта (Таиланд) орналасқан. ЭСКАТО-ға Азия мен Тынық мұхиты ай­ма­ғындағы 53 мемлекет мүше болып та­былады. Мақсаты: ұйымға мүше-мем­ле­кет­тердің әлеуметтік және эко­но­ми­ка­лық теңсіздікті түзетуге байланысты ын­ты­мақтастығына ашық және тең мүм­кіндіктер жасау. Экономикалық өсім­ді жаңа әлеуметтік проблемаларды ше­шуде, ЭСКАТО-ның жаһанданудың үш үрдісі барысында әлеуметтік стра­те­гия­ны тиімді жүзеге асырды. Қазақстан ЭСКАТО-ға 1992 жылдың 31 шілдесінде мү­ше болып қабылданды. 2007 жылдың 17-23 мамыр аралығында ЭСКАТО-ның 63-ші сессиясы Алматы қаласында өтті.
Қазақстан Президентінің Біріккен Ұлт­тар Ұйымының Орталық Азия мем­ле­кеттеріне арналған Арнайы бағ­дар­ла­масы бар. Бұл бағдарламаға Қыр­ғыз­стан, Тәжікстан және Өзбекстан, кейін оған Түрікменстан, Әзірбайжан және Ауғанстан қосылған болатын. Міне, осы бағ­дарламаға мүше мемлекеттердің эко­номикалық даму мүмкіндіктері Азия мен Тынық мұхиты елдерімен арадағы эко­номикалық байланысты нығайтпақ. Осы негізде ЭСКАТО рөлі айрықша.