Тынық мұхиттағы қоқыс «аралының» көлемі АҚШ жерінен үлкен

Адамзаттың табиғатты пайдалануынан шығатын қалдық, қоқыс көлемі мұхиттарға жиналады дейді. Бұл қалай жиналған?
Ернар, Алматы облысы
Адам баласының тұтынушылық сұраныс­ы­­ның еселеп артуы, индустриялық прогресс, табиғатты ашкөздікпен пайдаланудың салдары ауаға ғана емес, Тынық мұхитта кө­ле­мі бірнеше млн шаршы шақырымға қоқыс «аралының» түзілуіне алып келгенін ғалым­дар дабыл қағып айтуда. Құрлықтан шы­ғарылған қоқыс қалдықтары теңіз ағыс­тары­мен ағып, Тынық мұхиттың ортасында «Үлкен тынық мұхиттық контитентті» құрап отыр. Оның көлемі шамамен 700 мыңнан 15 млн шаршы шақырымға дейін жетеді, яғни бұл Тынық мұхиттың 0,41 пайызынан 8,1 пайызын құрайды деген сөз. Бұл АҚШ-тың немесе Австралия материгінің көлем­і­нен асып түседі. Мұхитқа тасталатын плас­ти­калық токсикалық қалдықтардың ке­сірі­нен жылына миллионнан астам құс, 100 мыңдай теңіз сүтқоректілері өлім-жітім­ге ұшырайды. Адам баласы дер кезінде осы қалдықтарды залалсыздандырмаса, орны тол­мас апат әкелуі мүмкін.