Абай атындағы Қазақ мемлекеттік академиялық опера және балет театрында дресс-код енгізілді деп естіп едім. Театрдың киімілгіштен басталатыны белгілі ғой. Мұнда қалай киініп келген жөн?
Нұргүл ҚАЛИЕВА, Алматы қаласы
Опера және балет театры мамандарының айтуынша, театрға дресс-код енгізілген жоқ, дегенмен мұнда көрермендер сақтайтын этикет бар. Сахналық қойылым көруге келген адам міндетті түрде қонақ киімі үлгісінде болуы тиіс. «Театрал» қыз-келіншектер әдетте басына гүлді-қауырсынды әшекей тағып келеді. Джинсымен, спорттық киіммен, сырт киіммен және баскиіммен көрермен залына кіруге болмайды. Бес жасқа толмаған сәбилер театрға кіргізілмейді. Көрермендер залына үшінші қоңырау соғылғанша кіріп үлгерген дұрыс, кешігіп қалған жағдайда орныңызға үшінші қабаттағы есік арқылы өтіп баруыңыз қажет. Залда отырған адамдардың алдынан теріс қарап өту, қойылым кезінде тамақ жеп, сусын ішіп отыру – әдепсіздіктің белгісі. Мұнда ұялы телефонды өшіріп қойған жөн, қойылымды фото және бейнекамераға түсіруге тыйым салынады. Сахналық қойылым толық аяқталып, әртістер көрермен алдына түгел шықпайынша, залдан шығып кетпеген абзал.
Театр этикетін білеміз бе?
Последние статьи автора