Тәуәп ету қалай атқарылады?
Тәуәп еткенде Қағбаны құшақтап, алақанын тасқа тигізіп, бетін, үсті-басын сипалап жатады. Солай ету парыз ба? Жалпы, тәуәп ету қалай атқарылады?
Тәңірберген Ақшалов, Алматы облысы
Тәуәп ету Қағбадан басталады. Оған жетпей бастау, дұрыс емес. Тасты жеті айналуды асығыс амалға асыру да қате. Негізінде, алғашқы үш айналым ғана асығыс орындалуы тиіс. Қағбаны сүймей атқарған тәуәп дұрыс болып саналады. Алыста тұрып-ақ, оны қолымен меңзей, тәкбір айту жеткілікті. Қағбаға қолын тигізіп, денесін сипау шариғатта айтылмаған. Сүннеттің көрсетуі бойынша, мүмкін болған жағдайда ғана Қағбаға қол тигізуге немесе сүюге болады. Пайғамбарымыз (с.ғ.с.) Қағба тұрған бұрыш пен Ал-Рукн Әл-Имани бұрышына ғана қол тигізген. Ол Қағба тұрған бұрыш пен Ал-Рукн Әл-Имани бұрыштарының арасында тәкбір айтқан. Әр айналымның соңында: «Рәббәнә әтинәфид-дунийәхәсәнатан, уә фил-аахирати хәсәнәтән, уә қийнаәзәбә ән-нәр». Яғни «О, Алла, бізге бұл дүниеде де, ақыретте де жақсылықтар сыйла, бізді тозақтың азап отынан сақтай гөр!» – деген.
Тәуіп кезінде екі ракат намазды әл-Харам мешітінің кез келген жерінде оқуға болады.
