Су астында футбол мен хоккей ойнау

Көптеген спорт түрлерінің су астындағы нұсқалары бар деп естідім. Бірақ судың астында футбол немесе хоккей ойнау мүмкін емес сияқты...
Ержан ДЕРБІСОВ, Жамбыл облысы
Командалық ойын түрлері фут­бол, регби және хоккей додала­ры­ның су асты нұсқалары бар. Әсіресе су астындағы хоккей халық арасында кең тараған. Ереже бойынша ойын­шылар судан басын шығармай, бір деммен қарсылас қақпасына ауыр доп пен шайбаларды енгізуі керек. Кәдімгі футбол мен хоккейден олар­дың көп айырмашығы жоқ. Тек әдет­тегі ойынға қарағанда екі есе қиын­дау. Себебі су астында әрекет етудің оңайға түспейтіні анық қой. Су асты спорт түрлерінде хоккей ең қауіпті ойын саналады. Су астындағы мұзда конькимен шайба қуу ең жүректі деген адамдардың өзін әбігерге салатыны рас.