Спортта қандай қызықты тыйымдар бар?

Спорттағы ең басты талаптардың бірі ережеге мойынсыну болып саналады. Осы орайда, әлем спортындағы ең қызықты тыйым салулармен танысуға бола ма?
Нұрлыбек Нұрланұлы, Ұзынағаш
Спорттағы қызықты тыйым салу­лар­ды таңды таңға ұрып әңгімелесек те, тауысу қиын. Сіздің сұрағыңызға жауап берер бол­сақ, әлемдік спортта қатаң талаптар өте көп. Мәселен, 2007 жылы Ұлт­тық хок­кей лигасы ойыншылардың ду­­лы­ға­сын­дағы көзді зақымданудан сақ­тайтын қал­қанды күңгірттеп қоюға тыйым салған заң шығарды. Себебі Алек­сандр Овечкин үнемі күңгірттелген қалқанмен жүре­тін­дік­тен, қақпаның қай бұрышын көздеп тұр­ғанын байқау қар­сы­ласына қиын соғады екен. Ал «Реал» футбол клубы ойын­шы­ла­рының денесіне татуи­ров­ка салуына рұқ­сат жоқ. Клуб дә­ріге­р­лері та­ту­и­ров­ка­ның футболшы ден­сау­лығына зияны көп екенін анық­та­ған соң, басшылық осындай шешім шы­ғарды. Халықаралық теннис феде­ра­ция­сы мен Ұлттық баскетбол қауым­дас­ты­ғы ойын­шы­ларға матч кезінде ұялы телефон, ноут­бук, планшет сынды тех­ни­ка құрал­да­рын пайдалануға тыйым салған. Сон­дай-ақ әлеуметтік желілерді пайдалануға да бол­майды. Бұл заң матч басталардан 45 минут бұрын өз күшіне енеді. Фут­бол­дан Аф­рикадағы әлем чем­пионатынан соң вувузела аспабын ста­дионға апару­дан қалған жанкүйерлер бар. Ағылшын премьер-лигасының алты клубы вуву­зе­ланың даусын естігісі келмейтінін жет­кізген соң, жанкүйерде бас­қа амал қал­мады. Сонымен қатар фут­болшылардың іш киімдеріне діни және саяси жазуларды таңбалауына жол жоқ екені қаперіңізде жүрсін. «Севилья» шабуылшысы Фре­де­рик Кануте жей­де­сі­не «Палестина» атауын төрт тілде жазып шыққан соң туындаған дау-дамай бас­шы­лар­дың осындай шешім қабылдауына әсер етті.