Шетелге жазғы демалысқа барған кезде нені ескеру керек?

Алдағы жаз айларындағы еңбек демалысын шетелде өткізсек деп отырмыз. Осы ретте қандай жайттарға назар аудару керек?
Елдар Қожанбаев, Алматы облысы 
Осы орайда Қазақстан азаматта­рының биылғы демалыс сапарлары сәтті болып, кездейсоқ әрі келеңсіз жағдайлардан сақ болу мақсатында Сыртқы істер министрлігі қарапайым нұсқаулықтар мен кеңестерді да­­йын­да­ған еді. Жолға аттанар ал­дын­да туыс­­та­рыңыз бен достары­ңызға өзі­ңіз­дің сапарыңыз бен баратын же­ріңіз туралы хабарлап, байланыс те­ле­фон­дарыңызды қалдыру абзал. ҚР СІМ-нің www.mfa.kz интернет парақ­шасында берілген баратын елдегі Қазақстан Республикасының елшілігі немесе консулдық мекемесінің теле­фондарын жазып алу қажет. Баратын елдерде өзіңізге қажетті дәрі-дәр­мек­тердің бар-жоғын алдын ала біліп алыңыз. Кейбір кездерде Қазақ­стан­да оңай сатып алуға болатын дәрі­­лер­ді шетелде шығара бермейді. Шет­елде болатын мерзімге сәйкес дәрі­герлік сақтандыру полисін алуды ұмытпаған абзал. Сондай-ақ шет мем­лекетте бол­ған кезде жергілікті заңдарын, салт-дәстүрлерін сақтау, баратын елдің қажетті сөз тіркестерін білу саяхаты­ңыз­ды жеңілдетеді. Пас­порт пен ақ­шаны қауіпсіз жерде сақ­тау қажет. Жеке басыңызды куәлан­ды­ра­тын және ҚР азаматтығына қа­­тыс­ты­лығын ай­ғақ­тай­тын құжат­тар­дың көшірмесін жасап алған жөн. Кө­шірмені түпнұс­қа­дан бөлек сақтау қа­жет. Консулдық есеп­ке тұрып, туыс­та­рыңызбен пошта, те­лефон немесе ин­тернет арқылы хабарласуды ұмыт­паға­ныңыз абзал.