Салмағы ауыр көліктің жүруіне тыйым салынады

2015 жылдан бастап жүгі артық карьерлік автокөлік құрал­да­ры жүр­гі­зушілеріне республика аума­ғын­дағы жолдарда жү­руі үшін арнайы рұқсат қағаз бері­лмейді деп естідік. Сол рас па?
Қанат Смағұл, Қарағанды
Ол рас. ҚР заңдарына сәйкес, ірі габаритті және ауыр салмақты ав­токөлік құралдарын игеру құ­қы­ғы тек қана арнайы рұқсат қағазы бол­ғанда мүмкін екені мәлім. Енді бұ­дан былай, егер көлік тиеген жүк нор­мативтегі салмақтан артып кет­се, оған жолда жүруге рұқсат бе­­ріл­мейді. Талап-ережені бұз­ған­­дарға айыппұл салынатын бо­лады. ҚР ККМ Көліктік бақылау ко­митеті «карьерден жүкті тасы­мал­­дау­шы­лар салмақ пара­метр­ле­рін бас­қа­ларына қарағанда жиі­рек бұзады» деп мә­лім­дей­ді. Мәселен, үш білікті са­мо­свал­дың жүк арту сал­ма­ғының мүмкін мөлшері – 25 тон­на, ал оған 30 не­ме­се одан да артық 40 тоннаға де­йін жүк тиейтін жағ­дайлар бо­лып жа­тады. Нә­ти­жесінде жол­та­бан­дар пайда бо­лып, жолға кел­­ті­ріл­ген нұқсан та­сы­мал­дау­шы­ның ар­тық салмақ үшін тө­ле­нетін ақы тө­ле­мімен са­лыс­тыруға кел­мейді. Сон­дықтан жүгі артық карьерлік кө­ліктерге, жал­пы, пай­да­ланудағы жо­л­дарға шы­ғуға 2015 жылдан бас­тап ты­йым са­лы­нады. Айта ке­те­йік, Қа­зақ­станда ауыр сал­мақты ав­токөлік құ­рал­дарының оқшау карьерлік жү­к­тер­ді тиеп жү­ріп өтуінен рес­пу­бли­ка­лық ма­ңыз­дағы жолдардың 5 мың шар­шы метрден астамы жә­не жер­гілікті маңыздағы жол­дар­дың ша­мамен 5 мың шаршы метрі жа­рам­сыз болып жатады екен.