Қысқы тоқырау қашан байқалады?

Қысқы күн тоқырау құбылысы деген не? Биыл ол қай күні болады?
Маржан, Қарағанды қаласы
Күннің қысқы тоқырауы – күндізгі уақыттың жылдық қыс­қаруы аяқта­латын күн. Ол – Жер­­дің өз осінен айналуы ба­ры­сында Күнге көріну мүм­кіндігінің мей­лінше азаюы.Хал­қымыз мұны «қыс ортасы», «ең қысқа түн», «қыстың алғашқы күні» деп те атаған. Бұл кезде Солтүстік жар­ты шарда астро­номиялық қыс басталып, Сол­түстік полюс қалың қараңғылық құшағында қалады. Күннің қыс­қы тоқы­рауынан соң күн­нің бір­тіндеп ұзаруы бас­талады. Биыл күннің қысқарып барып тоқы­рауы желтоқсанның 21-іне, Ас­тана уақыты бойынша сағат 19:11-ге сәй­кес келіп отыр. Ал күннің жазғы тоқы­рауы, яғни ұзарып барып тоқтауы мау­сымның 21-і күні болды. Қыр­күйектің 22-сінде күн мен түннің күзгі теңелуі болды, көктемгі теңелу наурыздың 20-сына сәй­кес келген еді.