Құқық қорғау органдарына кімдер қабылданады?

Құқық қорғау органдарының қатардағы және басшы құрам лауазымдарына орналастыруға қойылатын талаптар қандай, жас ерекшелігіне қатысты шектеулер бар ма?
Назар СҰЛТАН, Алматы қаласы
ҚР «Құқық қорғау қызметі ту­ралы» заңының 10-бабына сәйкес, құқық қорғау органдарының қа­тар­дағы және басшы құрам лауа­зымдарына орналастыруға қо­йылатын талаптар мынадай:
1. Құқық қорғау органдарының қатардағы және кiшi басшы құрам лауазымдарына 25 жастан аспа­ған, орта және аға басшы құрам лауазымдарына 35 жастан аспа­ған, тиісті бiлiмi бар және мерзiмдi әскери қызмет өткерген азаматтар, сондай-ақ Қазақстан Республи­ка­сының заңнамасына сәйкес мер­зiм­дi әскери қызметке шақырудан босатылған немесе кейiнге қалды­рылған азаматтар қабылданады.
2. Қатардағы және кіші басшы құрам лауазымдарына құқық қорғау органының лауазымдары санатына қойылатын біліктілік талаптарына байланысты кемінде орта білімi бар азаматтар қабыл­данады немесе қызметкерлер тағайындалады. Сондай-ақ орта басшы құрам лауазымдарына құ­қық қорғау органының лауазым­дары санатына қойылатын білікті­лік талаптарына байланысты те­х­никалық және кәсіптік, орта білімнен кейінгі, жоғары білімi бар азаматтар қабылданады немесе қызметкерлер тағайындалады.