Қосымша үстемақы төлене ме?

Мен мектепте есепші болып қызмет атқарамын. Қазір аудандық әкімнің қаулысымен мектеп жанынан шағын орталық құрылып жатыр. Орталық жұмысын жүргізу мектеп директорына жүктелген. Осы орайда менің білгім келгені, мектеп директорына қосымша үстемақы төленуі керек пе?
 Райгүл АЙТҚАЗИНА, Оңтүстік Қазақстан облысы

 Еңбекті нормалау және еңбекке ақы төлеу басқармасының сарапшы маман­дары­ның мәліметінше, азаматтық қызмет­ші­лерге еңбекақы төлеу жүйесі Қазақстан Рес­публикасы Үкіметінің 2007 жылғы 29 жел­тоқсандағы «Азаматтық қызметшілерге, мем­лекеттік бюджет қаражаты есебінен ұста­латын ұйымдардың қызметкерлеріне, қа­зы­налық кәсіпорындардың қызметкер­ле­ріне еңбекақы төлеу жүйесі туралы» № 1400 Қаулысымен (бұдан әрі – Қаулы ) рет­те­ле­ді.
Қаулының 19-қосымшасында маман­дар­ға, қызметшілерге және жұмысшыларға ла­уа­зымдарды қоса қызмет атқарғаны (қыз­мет­тер көрсету аясы кеңігені) үшін қызметкердің лауазымдық жалақысынан 50 %-ға дейінгі мөлшерде қосымша ақы белгі­ленген.
Көрсетілген қосымша ақы мекемелердің басшыларына, олардың орынбасарларына қолданылмайды.