Қиярды қандай елдер көп өндіреді?

Қазір Германияда қиярдан уланғандар қатары көбейіп жатыр ғой. Осы қиярды көп өндіретін және экспорттайтын елдер қандай?
Жанар ЕСІМБЕКОВА, Тараз қаласы
Қияр өнімі 6000 жыл бұрын пайда бол­ды делінеді. Оның отаны – Үндіс­тан­ның тропикалық және субтропикалық ау­дандары. Гималайдың етегінде әлі күнге дейін қиярдың ежелгі түрлері өседі. Көкөніс үнділерден гректерге, одан римдіктерге өтіп, кейін оны жаппай өсіру Еуропада етек алған. XV ғасырда Ресейде, арада бірнеше ғасыр өткенде егіншілік мәдениетінің дамуымен бірге Қазақстанда да өсіріле бастайды. Бү­гінде әлемдік қияр өндірісі бойынша Қы­тай, Үндістан, Мьянма, Индонезия, Түркия және ТМД елдері алдыңғы орын­дарда. Ал негізгі қияр импорт­тау­шылар – Еуропалық одақ елдері мен АҚШ. Германиядағы эпидемияға қа­тысты басы дауға іліккен Испанияда қияр экспорттау – экономиканың негізгі бағыты. Қиярға қатысты қызықты мә­лі­мет­тер көп. Шілденің 27-сінде халық­аралық қияр күні аталып өтеді. 2007 жылы Беларусь Президенті Александр Лукашенконың туған жері – Шклов қа­ла­сында көкөністің осы түріне ескерткіш қойыл­­ған.