Қазақстандағы медицинаның өркендеуіне аса зор үлес қосқан дәрігер

Алматыдағы жүрек ауруларына операция жасайтын клиниканың «Сызғанов институты» деп аталуының себебі неде?
Ақмаржан АХМЕТОВА, Қарағанды

Александр Николаевич Сызғанов (1896-1980) хирург, медицина ғы­лымының докторы, профессор, ҚР Ғылым академиясының академигі, Қазақстан ғылымдарын еңбегі сіңген қайраткер. Ол 1922 жылы Қазан университетін бітірген. 1922-34 жылдары сол уни­верси­тет­те хирургия кафедрасының ассис­тенті, 1934-63 жылдары Алматыдағы медициналық институттың жалпы хирур­гия кафедрасының меңгерушісі жә­не сонымен бірге Клиникалық және экс­периментальді хирургия институтының директоры (1945-75) болды. 30-шы жылдары зоб ауруларын болдыртпау мақсатында тұзды йодтау жөніндегі жұ­мысты басқарған.
Туберкулез, онкологиялық және кар­диологиялық ауруларға операциялар жасаудың, республикалық онкологиялық диспансер ашуды ұйымдастырушылардың бірі болды. Ұлы Отан соғысы жылдарында республикалық қан құю стансысын жол­ға қойған. 150-ден аса ғылыми жұ­мыс­­тар­дың, төрт мо­но­­графияның ав­­­торы. Үш рет Ле­нин ор­де­німен және басқа да ор­ден­дер мен ме­даль­дармен ма­ра­пат­­талған. Сыз­ғанов атын­дағы көше бар жә­не Қазақтың кли­никалық жә­не экс­пери­мен­тальді хи­рур­гия ин­сти­туты Сыз­ға­новтың атымен ата­лады.