Қазақ спорт журналистикасының негізін салған

Қазақ спорт журналистикасы туралы айтылғанда Сейдахмет Бер­ді­құловтың есімі жиі аталады. Ол кісі туралы қысқаша мәлімет бер­се­ңіздер.
Нұрбек, Ақтөбе қаласы
Сейдахмет Бердіқұлов (1933-1994) – қазақ спорт журналистика­сы­ның негізін қалаушы, белгілі жа­зу­шы-пу­блицист. Ол Алматы облысы Жам­был ау­данындағы Қарақастек қыс­тағында дү­ниеге келген. 1956 жы­лы ҚазМҰУ-дың журналистика фа­куль­тетін бітірген. 1965-1970 жыл­дары – «Қазақстан пионері» (қазіргі «Ұлан») газетінің ре­дак­торы, 1970-1986 жылдары – «Ле­нин­шіл жас» (қа­зіргі «Жас Алаш») га­зе­тінің ре­дак­торы, 1986-1994 жыл­дары «Жалын», «Ба­лауса» баспа­ла­ры­ның ди­ректоры болды.
Әдебиетке 60-жылдары келген Сей­дағаң қарымды қаламгер, шебер жур­налист ретінде негізінен спорт та­қы­рыбында көп еңбек жазды. Шы­ғар­малары бірқатар туысқан халықтар ті­­ліне аударылған. «Егеулі найза», «Жұ­мыр жерде теңбіл доп», «Аспан­нан шұға жауған күн» атты қазақ оқыр­­ма­нына жақсы таныс бірқатар кі­тап­тың авторы.
Бірнеше жылдан бері елімізде БАҚ өкіл­дері арасында жыл сайын мамыр айының алғашқы аптасында дәстүрлі түр­де С.Бердіқұлов атындағы шағын футболдан турнир ұйымдастырылып келеді. Бүгінде Сейдахмет ағаның ізін қуып ұлттық спорт журналистика­сы­ның көрігін қыздырып отырған Несіп Жү­нісбайұлы, Есей Жеңісұлы, Аман­гелді Сейітханов, Жандос Айтбайұлы сын­ды әріптестеріміз бар.