Қанша уақыт ұйықтау керек?

Жастау кезімде бірнеше күн қатарынан ұйықтамай жүре беретін едім. Қазір ұйқышыл болып кеттім. Тіпті тәулік бойы төсектен тұрмай жата беруге бармын. Негізі, ұйқының қалыпты мөлшері қандай болуы керек?
Орынгүл НҰРТАЗА, Алматы
Ұйқының мөлшері туралы әркімнің ұғымы әртүрлі. Ұйқысын біреу түнде, біреу күндіз қандырғанды жөн көреді. Дегенмен мамандар стресc пен күні бұрын қартаюдан, тұмаудан, тіпті онкологиялық аурулардан қорғайтын гормон – мелотиннің тәуліктік мөлшерінің 70 пайызы түнде өндірілетіндігін ескертеді. Аталмыш гормонның мөлшері түн ортасынан бастап таңғы сағат 4-ке дейін мейлінше артатын көрінеді. Мелотин – ДНК мен клеткаларды, тканьдерді бұзып, қатерлі ісік пен жүрек ауруларының өршуі­не жол ашатын бос радикалдарды жұтып қоя­тын өте күшті табиғи антиоксидант­тардың бірі.
Америкалық ғалымдардың зерттеулері ұйқы мөлшерінің 2 сағатқа кемуі орта есеп­пен 500 килокалорияның артық түзі­луіне алып келетіндігін көрсеткен. Яғни ұйқысы қанбаған, уақытымен тынығып, күш жина­маған адам күш-жігерді сырттан, әдет­те, та­мақтан алуға тырысады. Егер үнемі осы­лай қайталана беретін болса, әрине, бұл сал­мақтың ұлғаюына алып келеді.