Пітір садақаның үкімі қандай және ол қалай беріледі?

Шариғаттағы пітір садақаның үкімі қандай және ол қашан, қалай беріледі?
Рамазан ИҚТИЯРОВ, Алматы облысы
Сансызбай ШОҚАНОВ, ҚМДБ-ның шариғат және пәтуа бөлімі меңгерушісінің орынбасары:
– Пітір садақаны беру – біздің мәсһаб бойынша уәжіп, ал бас­қа­ларында парыз. Оның уәжіпті­гіне дәлел: Ибн Омардан жеткен хадис­те былай дейді: «Алланың елшісі Рамазан айында пітір садақаны әрбір мұсылман құл мен азат адамға, ер мен әйелге, үл­кен мен кішіге бір сағ құрма не­ме­се арпадан беруді міндеттеді. Әрі оны адамдар айт намазына шықпас бұрын өтеуді әмір етті». Алла тағала пітір садақа­ны бізге, ұлы һәм зор мақсаттарға жетуіміз үшін міндеттеген. Пітір садақа жағ­дайы төмен жандарға беріледі. Со­нымен қатар пітір сада­қа адам­ның ораза кезіндегі жібер­ген қате­лері мен кемшіліктерін толтыру үшін беріледі.
Пітір садақасы баспанасы, жиһаз­дары, көлігі, құралдары мен киер киімінен бөлек артық мал-мүлкі бар кез келген азат мұсыл­манға уә­жіп. Оны әрбір адам өзі­нің, жас балала­ры­ның, мұсылман болмаса да, қыз­мет­ші құлдарының атынан шығарады.
Пітір садақа мына нәрселерден беріледі:
Пітір садақаны бидаймен бере­тін болсаңыз, әр адам үшін жарты сағ. Жарты сағ – 1 келі 625 грамға тең. Ақшамен есептегенде (шаша­мен әр облыстағы бидайдың саты­лу бағасы­на қарай) 1 келі 625 грамның құнын беру керек. Ал құрма, мейіз, арпадан бір сағтың (3,25 келі) құнын береді.