Пайдаланылмаған демалыс үшін жұмыс беруші компенсация төлеу керек пе?

Мен бір компанияда екі жылдан артық жұмыс жасадым. Алайда осы уақыт аралығында бірде-бір еңбек демалысын алған емеспін. Енді жұмыс беруші мені жұмыстан шығарайын деп отыр. Менің пайдаланылмаған демалысым үшін жұмыс беруші компенсация төлеуі керек пе?
Қаныбек, Теміртау қаласы
Заңгерлердің айтуынша, ҚР Еңбек Кодексіне сәйкес, еңбек шарты тоқтатылған кезде жыл сайынғы ақылы еңбек демалысын (жыл сайын­ғы еңбек демалыстарын) пайдаланбаған немесе толық пайдаланбаған қызметкерге жыл сайын­ғы ақылы еңбек демалысының (жыл сайынғы еңбек демалыстарының) пайда­ла­нылмаған күндері үшін өтемақы төлемі жүргі­зіледі. ҚР Еңбек Кодексінің 110-бабында осылай жазыл­ған. Сондықтан сіз өз еңбегіңізді толық алуға құқылысыз. Бұл ретте жұмыс беруші ком­пания басшылығынан пайдаланылмаған еңбек дема­лысыңыздың ақысын талап етіңіз, егер бол­ма­ған жағдайда сотқа жүгінгеніңіз абзал.