Өймөкөөн – әлемдегі ең суық елді мекен

Жер бетінің ең суық тұсы қай аймақ? Жалпы, Жер шарындағы ең төменгі темпе­ра­тура қандай?
Сәкен ҚАЗЫБАЕВ, Алматы қаласы
Қазіргі география ғылымы Жердің ең суық нүктесі деп Антарктиданы айтады. 1983 жылдың 21 шілдесінде мұн­да ғаламшардағы ауаның ең тө­мен­гі температурасы тіркелді – метео­рология тарихында тұңғыш рет сынап бағанасы нөлден 89,2 градусқа төмен­деген. Ал тұрғындары бар өңірлерге келсек, ғалым­дар арасында ең суық елді мекенге қатысты екі түрлі пікір бар. Бірі 1892 жылғы дерек негі­­зін­де (-67,8°C) Саха елінің Верхоянск қала­сын айтса, енді бірі академик Сергей Обручевтің бейресми мәліметіне сүйе­неді. Обручев 1924 жылы Оймя­кон селосында -71,2°C аяз бол­ға­нын есепке алған. Саха хал­қы Өймөкөөн деп атай­тын бұл елді мекенде 520-дан астам адам тұрады. Гренландия аралын да географтар Жер бетінің ең суық аймақ­тары қатарына жат­қызады. Аумағының 81 %-ын мұз басып жатқан аралда ауа температурасы қыста 70 гра­дусқа дейін төмен болады.