Мүгедектерге несиеге ақша беріле ме? Маған 500 мыңға жуық ақша керек еді. Зейнетақымды аударып отырсам бола ма?
Жеңіс ТАСТАНОВ, Алматы қаласы
Өкінішке қарай, біз хабарласқан банктерде мүгедектерге арналған арнайы несие бағдарламасы жоқ болып шықты. Несие рәсімдеу үшін олар адамның ай сайын тұрақты жалақысы болуын талап етеді, оны зейнетақы қорынан алатын үзінді-көшірмемен растау қажет. Оның өзінде де кейбір жағдайларда кепіл-зат талап етіледі. Kaspi bank-тің call-орталығы маманы «ІІІ топтағы дене мүмкіндігі шектелген азаматтарға несие береміз» дегенімен, ол азаматтың пенсиясы есепке алынбайтынын, міндетті түрде жұмыс істеп, ресми жалақы алуы керектігін жеткізді. Айлығы 20 мың теңгеден жоғары болса, кредит беру жайы қарастырылады.