Мүгедектер жұмысқа қалай орналастырылады?

Қолымда мүгедек балам бар. Жасы 27-де, жұмыссыз. Еліміздің мүгедектерді жұмыспен қамту ісі жөнінде білгім келеді.
Айман ДАРЫНҚЫЗЫ, Тараз қаласы
Мүгедектерді жұмыспен қамту үшін жергілікті атқарушы органдар (әкімшілік ) жұмыс орындарының жалпы санына байланысты 3 пайыз­дық көлемде квота бөледі. Жеке кәсіп­керлік пен шағын және орта бизнесті дамыту арқылы қосымша жұмыс орындарын бөліп, Қазақстан Республикасының заңдылығына сәйкес, мүгедектерді жұмыспен қам­ту үшін жұмыс орындарын анық­тайды.  Сондай-ақ мүгедектерге кә­сіби білім беру қарастырылған. Ең­бек қарым-қатынасы тұрғысынан мүгедектердің құқықтары заңмен негізделген. Еңбек келісімшартынан бас тарту, басқа қызметке ауысу мүгедектердің өз келісімінсіз жүзеге аспайды. Егер мүгедектің ден­сау­лығына байланысты еңбекке жа­рамсыздық танытатын болса, жұ­мыстан босатылады.