Мүгедек балаларға арналған орталыққа қанша жастан бастап қабылдайды?

Алматы қаласында мүгедек балаларға арналған орталық бар деп естідім. Ол жерге науқастарды қанша жастан бастап қабылдайды және қандай қызметтер көрсетіледі?
Айжан НҰРБАЕВА, Алматы қаласы
Сіздің бұл сұрағыңызға Алма­ты қалалық психо­нев­рологиялық орталықтың әдіскері Гүлнәр ҰЗАҚОВА жауап береді:
– Алматы қаласының психо­неврологиялық  ауытқулары бар мүгедек балаларға арналған ор­та­­лы­ғында қазір 50 бала арнайы әлеуметтік қызмет алуда. Онда ар­найы мамандар жарымжан жандарға жеті сала бойынша кө­мек береді. Әсіресе науқас­тар­дың жеке даму деңгейін артты­рып, әлеуметтік ортаға бейімдеу жұмысы жақсы жолға қойылған. Ол үшін психолог, дефектолог, логопед мамандары әр баламен жеке-жеке жұмыс істейді. Бұдан бөлек, тәрбиеленушілердің ақыл-ойын дамыту мақсатында әрда­йым мерекелік іс-шаралар тұрақ­ты түрде өткізі­ліп тұрады. Ор­та­­лыққа негізінен 1,5-18 жас аралы­ғын­дағы психоневрология­лық ауытқу­ла­ры бар мүгедек балалар қабыл­данады. Олар күндіз тәрбие­ші­лер­дің бақы­лауын­да болып, кешкісін ата-ана­ла­ры­на қайтарылады.