Мирмекология нені зерттейді?

Бір кітаптан «мирмеколог ғалым» деген тіркесті кездестірдім. Бұл сөз нені білдіреді?
Раушан Елесбекова, Алматы қаласы
Мирмекология – құмырс­қаларды зерттейтін ғылым. «Мир­мек» түбірі көне грек тілін­де «құмырсқа» дегенді білдіреді. Құмырсқалар мен олардың иле­уін зерттеу өте ерте кезден бас­талады. Дегенмен мирмеко­ло­гияның жүйелі түрде дами бас­таған мезгілі – өткен ғасыр­дың орта шені. 1954 жылы Фран­цияда зоологияның бұл саласына арналған ірі энцик­лопедия жарық көрді. 1963 жылы Мәскеуде Құмырсқа­ларды орман зиянкестерімен күреске қолдану жөніндегі І бүкілодақтық симпозиум өтті. КСРО-ға танымал мирмеколог­тердің бірі – қазақстандық Па­вел Мариковский. 1912-2008 жылдары өмір сүрген ғалым зооло­гия ғылымында тұңғыш рет амазонка-құмырсқаларды аш­қан. Биология ғылымының докторы, энтомолог-құмырс­қатанушы, жазушы Павел Мари­ковский – Ұлы Отан соғысына қатысқан майдангер. «Мирмеко­логия» сөзімен түбірлес «мир­ме­коморфия, мирмекофагия, мир­мекофилия» деген де терминдер бар. Мирмекоморфия – құмыр­с­қамен ұқсас жәндіктерге қатыс­ты болса, мирмекофагия деп құмырс­қалармен қоректенуді айтады. Ал құмырсқалармен бір­ге өмір сүруді қалайтын адам­дарды мирмекофилдер дейді.