Миграция бойынша халықаралық ұйым немен айналысады?

Қазақстан Миграция бойынша халықаралық ұйымға мүше-мемлекет болып санала ма? Бұ ұйым қашан құрылды  және мақсаты қандай?
Дариға НИЯЗОВА, Батыс Қазақстан облысы
Миграция бойынша халықаралық ұйым (МХҰ) - [International Organisation for Migration] – 1951 жылы құрылған ха­лық­аралық үкіметаралық ұйым, штаб-пә­тері Женевада (Швейцария) ор­на­лас­қан. Алғашқыда Еуропадағы босқындар мен мәжбүрлі қоныс аударушыларға кө­мек көрсету мақсатында құрылып, Еу­ро­па­дағы көші-қон мәселесі бойынша Үкі­мет­аралық комитет деп аталды. 1980 жы­лы оның қызметі Еуропаның ау­ма­ғы­нан кеңейген кезде көші- қон мә­се­ле­ле­рі бойынша Халықаралық ұйым аталды. Бұл ұйымның басты мақсаты – әр та­рап­тың мүддесіне сай миграцияны басқару, ел­дердің ерекше мұқтаждықтарын ес­ке­ре отырып халықтың реттелген көші-қо­нын қамтамасыз ету; заңсыз көші-қонды бол­дырмау; адам саудасына қарсы тұру, мем­лекеттердің экономикалық, әлеу­мет­тік және мәдени дамуы мақсатында бі­лік­ті адамдар ресурсын қайта бөлу; мәж­бүр­лі қоныс аударушыларды ұйым­дас­қан түр­де көшіру; үкіметтерге және үкіметтік емес ұйымдарға тәжірибе және ақпарат ал­масу мүмкіндіктерімен қамтамасыз ету. Қазіргі кезде МХҰ-на 126 мемлекет мү­ше, 17 мемлекет бақылаушы дәре­же­сін­де және бүкіл әлем бойынша 100 мис­сия­сы жұмыс істейді. Қазақстан бұл ұйым­ға мүше-мемлекет болып табылады. МХҰ бюджеті мүше- мемлекеттердің жыл са­йынғы жарналарынан және қоғамдық ұйым­дардың ерікті және аймақтық жар­на­лардан құралады. Жалпы, МХҰ өз қыз­меті аясында шамамен 11 млн ми­грант­тарға көмек көрсетті.