Елімізде өтетін VII қысқы Азия ойындарының басталуына бір айдан сәл ғана асатын уақыт қалды. Менің білгім келетіні, Ақ Азиада кезінде Медеу спорт кешеніне өз көлігімен барушылар өте көп болады. Олар үшін Медеу мұз айдыны аймағына кіру ақысы қанша болады?
Айдар Жұмабаев, Алматы қаласы
Білетін боларсыздар, бүгінде Медеу спорт кешенінің аумағына көлікпен кіру ақысы 300 теңге. Дегенмен Ақ Азиада кезінде бұл тұрғыда аздап өзгерістер болатыны рас. Бірақ жақсы жағына қарай. Алматы қаласы табиғат ресурстары және табиғатты пайдалану басқармасының бастығы Сұлтанбек Мәкежановтың сөзіне сенсек, елімізде өтетін VII қысқы Азия ойындары кезінде Медеу спорт кешенінің аймағына өз көлігімен кіру тегін болмақ. Бұл Ақ Азиада кезінде жол кептелісінің алдын алу үшін бағытталған шара болып отыр. Оның ойынша, дүбірлі дода кезінде Медеуге өз көлігімен баратындар көп болатындығы соншалық, кіру ақысын төлеу кезінде үлкен кептелістер болып, доданың мәнді өтуіне кедергі келтіруі мүмкін. Дегенмен Медеудегі басқа ақылы тұрақтардың бағасы, сондай-ақ әртүрлі қызмет түрлерінің бағасы еш өзгеріссіз сол қалпында қалмақ.
Медеуге кіру ақысы тегін
Последние статьи автора