Медаль алу үшін қандай құжаттар қажет?

Отбасында алтыншы сәби дүниеге келер болса, анаға «Күміс алқа» беріле ме, ол үшін қандай құжаттар жинау керек?
Лаура ЕРМАҒАНБЕТОВА, Ақтөбе облысы
ҚР «Қазақстан Республикасының мемлекеттік на­гра­далары туралы» Заңына енгізілген өзгерістерге сәйкес, ал­ты баланы дүниеге әкеліп, бағып отырған аналар «Кү­міс алқа» медалімен, жеті және одан да көп баласы бар ана­лар «Алтын алқа» медалімен марапатталады. Бұл ме­даль­дардың иесіне ай сайын алты айлық есептік көр­сет­кіш кө­ле­мінде мемлекеттік жәрдемақы беріледі. Биыл бұл жәр­демақының көлемі 10386 теңге болды. Ме­даль­дар­ды алуға құжат тапсыру үшін тұрғылықты мекенжай бо­йын­ша жұ­мыспен қамту және әлеуметтік бағ­дар­ла­малар бас­қар­­масына немесе бөліміне хабарласу қажет.
Қажетті құжаттар:
1. Ананың жеке бас куәлігі;
2. Ананың орден кітапшасы;
3. Үй кітапшасы;
4. 16 жасқа толған барлық баланың жеке бас куәлігі;
5. Барлық баланың туу туралы куәлігі;
6. Әр баланың тұратын жерінен анықтама (жұмыс, мектеп, тұрғылықты жері);
7. Қыздарының некеге тұру туралы куәлігі.
Барлық құжаттардың түпнұсқасы мен көшірмесі керек.