Мәнерлеп сырғанау жазғы спорттық ойын саналған ба?

Өзім коньки тебе алмасам да, мәнерлеп сырғанау спортын бала кезімнен сүйіп тамашалаймын. Ақ Азиаданы да сол үшін асыға күткенмін. Білейін дегенім, бір кездері осы мәнерлеп сырғанау қысқы емес, жазғы олимпиадалық ойындар қатарына енген дейді, рас па?
Жанаргүл, Астана қаласы
Олимпиадалық спорт түрлерінің тарихына ар­налған еңбектердегі мәліметтерге қарағанда, өт­кен ғасырдың басында мәнерлеп сырғанау спорты, шынымен де, жазғы олимпиада ойын­да­ры бағдарламасына енген. Ал мұзайдындағы көркем спорттың өз тарихы ежелгі дәуірлерден бастау алады. Еуропаның аумағынан археологтер көне заман адамдары жануарлардың тұяғын аяғына байлап сырғанағанын айғақтайтын дә­лел­дер тапқан болатын. ХІХ ғасырдың екінші жартысынан бастап, мәнерлеп сырғанау спорт­тың бір түрі ретінде мойындалды. 1908 жылы жазғы олимпиаданың, 1924 жылдан бастап қысқы олимпиадалық ойындардың бағдар­ла­масына енді. Күрделі координациялық қимыл­дар­дан тұратын спорт түрі ерлер, әйелдер, же­келей сын, жұптық өнер, спорттық, топтық болып бес дисциплинаға жіктеледі.