«Мәдени мұра» бағдарламасының сайты бар ма?

Еліміздегі «Мәдени мұра» бағдарламасының барысымен таныстырып отыратын интернет-сайт бар ма?
Айбар АЙДЫНҰЛЫ, Шығыс Қазақстан облысы
Бүгінде ғаламторда «Мәдени мұра» мемлекеттік бағдарламасын барынша қамтыған арнайы веб-порталы жұмыс істейді. Бұл портал елдің мәдени қазына­сына қолжетімділікті ашатын ең табысты ақпараттық ресурстардың бірі  болып табылады.
www.madenimura.kz веб-порталы «Мәдени мұра» бағдарламасы аясында атқарылып жатқан және енді қолға алына бастаған жобалар барысымен кеңінен таныстырып, осы бағыттағы іс-шаралармен таныстырып отырады. Аталған порталдан сіз Қазақстанның қасиетті орындары туралы біліп, сәулет ескерткіштері мен ежелгі қалалар тура­лы бейнефильмдерді тамашалай ала­сыз. Порталда сондай-ақ көне мешіттер мен кесенелердің кескіндемесін, жұм­бақ жартастағы суреттер мен  тас мүсін­дер­ді бейнелеген бай фотогалереямен танысуға мүмкіндік аласыз. Мұнда сіз тарих пен мәдениеттің, археологиялық зерттеулердің бірегей мұралары туралы, тарихи  экспедициялар туралы, қазақ халқының музыкалық дәстүрлері мен әлемдік классикалық әдебиеттің үздік шығармалары туралы мәлімет­терді таба аласыз. Кейбір материалдар­мен он-лайн режимінде танысып, қажетті материалдарға байланысты пікір қалдыруыңызға болады.