Кейінгі кезде Гринпис дегенді жиі естимін. Естуімше, табиғатты қорғайтын ұйым болса керек. Гринпистің халықаралық дәрежесі бар ма?
Жанболат СӘдуақасов, ШҚО
Гринпис сөзінің тікелей мағынасы «жасыл әлем» дегенге келеді. Бұл ұйымның халықаралық дәрежесі бар. Гринпис 1971 жылы Канаданың Ванкувер қаласында Дэвид Мактаггарт деген табиғат жанашырының бастамасымен құрылған екен. Гринпистің негізгі мақсаты – қоғам мен биліктің назарын аударту арқылы ғаламдық экологиялық проблемаларды шешу. Табиғат қорғаушы аталған ұйым тек қана мемлекеттердің, жекелеген азаматтардың, бизнес өкілдерінің ерікті түрде аударған қаржысымен жұмыс істейді. Әрбір құрлықта кеңсесі бар Гринписті кедей деп те айта алмайсыз. Ұйымның бұдан екі жыл бұрынғы бюджеті 190 млн 600 мың евро болған.
Гринпистің мәні не?
Последние статьи автора