«Ғаламдық қалалар» көшбасшысы – Нью-Йорк
Жер шары бойынша ғаламдық деңгейдегі қалалар болып қай шаһарлар танылып жүр?
Айша ЕРБОЛАТҚЫЗЫ, Алматы облысы
Кеше ғана А. T. Kearney консалтингтік компаниясы мен Foreign Policy журналы «ғаламдық қалалар» рейтингін құрастырды. Бұл рейтинг бойынша Нью-Йорк қаласы көш бастаса, алдыңғы үштікке Лондон мен Токио шаһарлары енді. Бұдан өзге Париж, Гонконг, Чикаго, Лос-Анджелос, Сингапур, Сидней және Сеул қалалары алғашқы ондықты құрады. Осы үздік он «ғаламдық қаланың» төртеуі Азия құрлығынан шығып отыр. Брюссель, Берлин, Мадрид, Вена, Стокгольм, Франкфурт, Цюрих қалаларынан қалып қойған Мәскеудің межесі – 25-орын.
Рейтинг «іскерлік белсенділік», «адами капитал», «ақпарат алмасу», «мәдени тәжірибе» және «құқықтық өзара әрекеттестік» секілді бес көрсеткіш негізінде құрастырылған.
