Фотосуреттерде неге адамның көзі қызарып тұрады?

Түнде түсірілген фотосуреттерде адамдардың көздерінің қызыл болып тұратыны несі?
Диана БАЙКЕНОВА, Астана

Қызару – адам көзінің тор қабығының су­ретке түсіру сәтіндегі жарқ етумен шағы­лысуынан пайда болатын жағымсыз жайт. Көптеген жануарлар мен хайуандардың, мысалы, мысықтардың, иттердің, бұғы­лар­дың көздерінің тор қабығы tapetum lucidum деп аталатын ерекше шағылыс қабығымен көмкерілген, ол олардың көздерінің ішкі жағындағы айна сияқты. Егер олардың көзіне түнде жарық сәулесін бағыттаса, онда олардың көзі ақ болып жарқырайды. Ақ гуанин жануарлардың көз­дерінің тор қабығында немесе эпи­телиінде болады. Ал адамдардың көзінде мұндай қабат жоқ. Сондықтан адамның көзіне жарық бағыттаса, оның жанары жануар­дың көзі сияқты жарыққа шағы­лыспайды. Көздің тор қабығы қызыл бол­ғандықтан, суретте қарашықтың орнына қызыл түс көрінеді. Қазір көптеген камера­ларда көздің қызылын көрсетпейтін режим бар. Көздің қызаруына жан-жақтан жа­рықтың тікелей түсуі де әсер етеді. Сон­дық­тан көзді қысыңқырап түссе, көз қы­зармайды.