Ежелгі қазақтар бенди ойнаған ба?

Кейбір мамандар конькимен сырғанау, шаңғы тебу сияқты спорт түрлері қазаққа ежелден таныс дегенді айтып жатыр. Әрине, бұл ойын түрлерінің қазаққа тән болғаны біз үшін өте жақсы. Жақында мамандарымыз бенди ойынының да қазаққа жат емес екенін айтып қалды. Сұрайын дегенім, бұл ойын түрінің қазаққа қандай жақындығы бар?
Олжас МАХМҰТҰЛЫ, Алматы қаласы
Қазақтардың ежелде бенди ойнағандығы туралы дерек жоқ. Бірақ зерттеушілердің сө­зіне қарасақ, біздің заманымызға дейін ежел­­гі грек, Рим, Мысыр, Орталық Азия, Ацтек қолжазбаларында және тасқа салын­ған бей­не­лерде бендиге ұқсайтын ойын түр­лері көп­теп кездеседі екен. Екі командаға бөлініп, жұ­ды­рықтай ғана допты таяқшамен қуып жүріп ойнау сол замандағы адам­дар­дың керемет жаңалығына айналып, бұл ойын түрі лезде төрт­күл дүниеге тараған. Ойынның шығу та­рихы әр елдің қол­жаз­ба­ларында әртүрлі ке­леді. Бендидің Азия ай­мағына дәл қай уа­қытта таралғаны туралы да белгісіз. Бірақ ХХ ға­сыр­дың басында таяқ добынан Қытай, Корея, Моңғолия, Тибет ел­дерінде жекелеген ойын­дар өткізіліп тұр­ған.